BOS Blog

TL;DR: Në 2026, content marketing që sjell klientë nuk është “të postosh”. Është një sistem që kap kërkesën (search), ndërton besim (proof), e bën ofertën të qartë (clarity) dhe të çon te veprimi me një hap të vogël (CTA). Në Shqipëri, pengesa kryesore nuk është ideja, por durimi: rezultatet serioze zakonisht vijnë brenda 3–6 muajsh.

Çfarë është content marketing sot (dhe pse s’ka të bëjë me “views”)

Content marketing për shërbime është mënyra si e kthen vëmendjen në telefonata, rezervime dhe kërkesa për ofertë.

Në 2026 njerëzit kërkojnë në shumë vende: Google, TikTok, Instagram, YouTube dhe edhe te rezultatet e motorëve me AI. Por logjika e blerjes për shërbime në Shqipëri mbetet e njëjtë: klienti kërkon siguri, qartësi dhe prova që nuk po rrezikon.

Prandaj, content-i që sjell klientë nuk është thjesht informues. Ai duhet të përgjigjet si një shitës i mirë, por pa u dukur si shitje:

• A e zgjidh këtë problem?
• Sa do të më kushtojë (kohë/para)?
• Sa zgjat?
• Si e di që je i mirë?
• Cili është hapi i parë?

Në Shqipëri kjo vlen për car rental, klinika, hidraulikë, shërbime teknike dhe çdo biznes lokal ku vendimi merret mbi bazën e besimit.

Social SEO: si të bësh content që gjendet (jo vetëm që shikohet)

Shumë biznese bëjnë content “për feed”, postime që marrin pëlqime, por jo domosdoshmërisht klientë. Social SEO nënkupton që edhe në rrjete sociale njerëzit kërkojnë me fjalë kyçe, me pyetje dhe me fraza konkrete. Content-i duhet të ndërtohet si përgjigje për këto pyetje.

Ndryshimi kryesor është mënyra si nis.

Në vend që të fillosh me “sot do flasim për…”, nis me një fjali që tingëllon si kërkim real:

• Sa kushton shërbimi në Shqipëri?
• Sa kohë duhet për të parë rezultat?
• A ia vlen të investosh apo është humbje kohe?
• Si ta zgjedh profesionistin që të mos gaboj?

Këto fjali kanë dy efekte, kapin menjëherë vëmendjen dhe ndihmojnë që përmbajtja të indeksohet më mirë, sepse përputhet me mënyrën si kërkojnë njerëzit.

Struktura që funksionon është, pyetja, përgjigjja, pse-ja, çfarë të bësh tani, hap i vogël.

Edhe kur reach bie, leads vazhdojnë të vijnë, sepse nuk po luan vetëm për t’u parë, por për t’u gjetur.

Nga content informues te content që nxit veprimin

Në shërbime, problemi nuk është mungesa e informacionit. Problemi është frika për të bërë zgjedhjen e gabuar.

Content-i që konverton e bën të qartë:

• çfarë kushton mosveprimi
• pse mënyra jote është më e sigurt se alternativat

Një shembull tipik në Shqipëri është mungesa e durimit. Biznesi kërkon rezultat të shpejtë dhe në momentin që nuk e sheh, ndalon.

Struktura është:

• Problemi, bizneset nisin marketing ose SEO dhe presin rezultat brenda javës
• Pasoia, ndryshojnë drejtim, ndërrojnë agjenci, shpenzojnë para pa e lënë sistemin të konsolidohet
• Zgjidhja, vendos objektiva 3–6 muaj dhe mat telefonata ose rezervime, jo vetëm views

Kjo qasje krijon rezonancë sepse njerëzit e shohin veten në të.

CTA që sjell telefonata

“Na kontakto” shpesh nuk funksionon sepse është e paqartë. Klienti mendon, çfarë do ndodhë pasi të shkruaj, a do më bëhet presion?

CTA që konverton:

• e bën hapin e parë të lehtë
• e sqaron çfarë ndodh më pas

Shembuj më efektivë:

• Na dërgo website-in dhe të tregojmë çfarë po të mban mbrapa
• Na dërgo kërkesën dhe të kthejmë 2–3 opsione konkrete

Këto duken si ndihmë, jo si presion shitjeje.

Prova: si ndërtohet besimi

Në shërbime, prova është elementi kryesor. Por prova nuk është një galeri me foto. Është të tregosh që:

• e ke parë problemin
• e ke zgjidhur më parë
• e njeh procesin

Shembull, një kompani car rental nuk dilte në Google. U pranua plani dhe afati kohor. U punua me:

• rregullimin e faqeve të shërbimeve
• 2 blogje në javë
• optimizimin e Google Business Profile, që për biznese lokale është një nga levat më të forta për telefonata direkte nga kërkimi lokal.
• shtimin e backlink-eve cilësore

Rezultati, pas rreth 3 muajsh doli në vend të parë për fjalën kryesore dhe në top 5 për terma dytësorë. Pas 6 muajsh merr minimumi 20 rezervime në muaj.

Ky mini-case i përgjigjet drejtpërdrejt tri pyetjeve kryesore:

• A funksionon?
• Sa zgjat?
• Çfarë është bërë konkretisht?

Edhe një screenshot i Google Reviews ndihmon, sepse ul frikën e klientit.

SEO + Content marketing

SEO nuk është thjesht të shkruash blog pa fund. Nëse do ta kuptosh më qartë logjikën e tij dhe si funksionon realisht për biznese shërbimesh, shiko udhëzuesin tonë për çfarë është SEO:

• Faqe shërbimi që shesin dhe rankojnë, të qarta për çfarë përfshihet, për kë është, sa zgjat procesi, çfarë ndikon çmimin, si nis, pse ju
• Blog që kap pyetjet para blerjes, a ia vlen, sa kushton, sa zgjat, si ta zgjedh, çfarë gabimesh të shmang

Një pillar page shërben si hub që lidh të gjitha këto tema dhe rrit autoritetin tematik.

Ads në Shqipëri

Reklamat mund të jenë shumë efektive, por jo gjithmonë në fillim.

Kur je i fortë organikisht, të paktën top 5:

• klikimet kushtojnë më pak
• konvertimi është më i lartë, sepse njerëzit të shohin edhe organikisht dhe krijojnë besim

Nëse po mendon si të strukturosh buxhetin dhe objektivat, shiko edhe udhëzuesin tonë për reklama për biznese në tregun shqiptar.

Metrikat dhe procesi

Nëse mat vetëm views dhe likes, nuk e di çfarë po ndodh realisht.

Kur bën:

• audit në fillim
• raporte javore për qartësi
• call tracking për të lidhur marketingun me telefonatat

atëherë marketingu bëhet i matshëm dhe serioz.

Kundërshtimet më të zakonshme

Tre fjali dalin shpesh:

• S’kemi buxhet
• S’na sjell klientë
• Dua rezultat të shpejtë

Këto janë tema për artikuj dhe video. Kur i adreson qartë, ndikon direkt vendimin e blerjes.

Realiteti është:

• rezultati i shpejtë kushton
• rezultati afatgjatë kërkon kohë dhe plan
• plani i mirë kërkon kohë për t’u zbatuar

Kjo nuk i mban të gjithë, por të sjell klientët e duhur.

Hap i vogël

Nëse do ta kthesh këtë strategji në rezervime dhe telefonata:

• Na dërgo website-in dhe të tregojmë 3 gjëra konkrete që po të mbajnë mbrapa, një plan 6-mujor me prioritetet që kanë kuptim për tregun shqiptar

Key takeaways

• Content që sjell klientë nis me pyetje reale dhe përgjigje direkte
• Prova, mini-case, reviews, screenshots, është më e fortë se çdo premtim
• CTA duhet të jetë hap i vogël dhe specifik
• Reklamat janë më efikase kur ke autoritet organik
• Në Shqipëri, pengesa kryesore është durimi, rezultatet serioze zakonisht vijnë brenda 3–6 muajsh

Letra e motivimit është një nga dokumentet më të keqkuptuara dhe njëkohësisht më të nënvlerësuara gjatë aplikimeve për punë apo universitet. Shumë njerëz e shohin si diçka opsionale ose formale, por nga përvoja ime dhe nga rastet reale që kam parë, letra e motivimit shpesh ka më shumë ndikim sesa vetë CV-ja.

Ky artikull nuk është një udhëzues teorik apo një tekst i gjeneruar. Është i bazuar në përvojë reale, gabime konkrete dhe raste që tregojnë pse dhe si duhet shkruar një letër motivimi që funksionon.

Çfarë është realisht letra e motivimit?

Letra e motivimit nuk është një përmbledhje e CV-së. Ajo nuk ekziston për të treguar nota, certifikata apo tituj, por për të shpjeguar si mendon ti, si e sheh botën dhe çfarë roli ke në një ekip ose komunitet.

Edhe pse shumë punëdhënës nuk e kërkojnë drejtpërdrejt, letra e motivimit është bërë gjithnjë e më e rëndësishme vitet e fundit. Arsyeja është e thjeshtë: CV-të janë bërë shumë të ngjashme mes tyre, ndërsa letra e motivimit është vendi i vetëm ku kandidati mund të shfaqë personalitetin.

Gabimi më i madh që bëhet sot

Gabimi më i shpeshtë që shoh është përdorimi i inteligjencës artificiale për të shkruar letrën e motivimit nga fillimi në fund. Kjo është një gabim serioz.

Letra e motivimit duhet të jetë unike për çdo person, e ndërtuar mbi përvojat reale të jetës. Nuk flasim vetëm për eksperiencë pune, por edhe për:

• probleme që ke hasur
• gjëra që ke mësuar vetë
• situata ku ke marrë përgjegjësi

Rekrutuesit i dallojnë shumë shpejt letrat e përgjithshme dhe pa identitet.

Çfarë kërkojnë realisht rekrutuesit?

Nga ajo që kam vënë re, rekrutuesit nuk duan të dinë sa nota ke marrë apo sa certifikata ke. Ata duan të kuptojnë:

• a je komunikues
• a di të punosh në ekip
• a ke mendim kritik
• si përballesh me problemet

Mendoje si një skuadër futbolli: çdo lojtar ka një rol. Letra e motivimit duhet të tregojë cili është roli yt.

Struktura bazike e një letre motivimi

Nuk ka një formulë magjike që funksionon për të gjithë, por një strukturë bazike është:

• Të dhënat personale (emër, mbiemër, kontakt)
• Paragraf hyrës: kush je dhe ku ndodhesh profesionalisht
• Paragraf kryesor: eksperiencat, projektet, sfidat dhe si i ke zgjidhur
• Paragraf përmbyllës: pse po aplikon dhe çfarë vlerë sjell

Ndryshe nga CV-ja, e cila përshkruan çfarë ke bërë deri tani, letra e motivimit tregon kush je si person dhe si mendon. Për këtë arsye, të dyja duhet të punojnë bashkë dhe jo të kopjojnë njëra-tjetrën – nëse nuk e ke ende gati CV-në, shiko udhëzimin tonë se si të shkruajmë një CV për punë.

Për ta bërë më të qartë si duket një letër motivimi e shkruar natyrshëm dhe jo artificialisht, më poshtë është një shembull konkret që mund të përdoret si orientim.

Shembull letre motivimi (për punë)

Case study real: pse letra e motivimit ndryshon gjithçka

Një shok i imi aplikonte vazhdimisht për punë dhe nuk merrte përgjigje. CV-ja e tij ishte korrekte, por diçka mungonte. Kur një kompani i kërkoi letër motivimi, ai vendosi të mos shkruante thjesht një tekst formal, por të tregonte historinë e tij: çfarë problemesh kishte kaluar, si ishte përballur me to dhe çfarë kishte mësuar nga dështimet.

Rezultati ishte i menjëhershëm. Punëdhënësit filluan ta merrnin më seriozisht dhe ta ftonin në intervista, jo vetëm për aftësitë teknike, por për të kuptuar mënyrën se si ai mendonte dhe reagonte ndaj sfidave.

Letra e motivimit për punë vs për universitet

Letra e motivimit për punë fokusohet më shumë te eksperiencat reale, projektet dhe zgjidhja e problemeve. Ndërsa për universitet apo bursë, fokusi është te çfarë ke mësuar, potenciali yt dhe qëllimet e ardhshme.

Kjo bëhet edhe më e rëndësishme sot, ku shumë aplikime bëhen online dhe konkurrenca është e lartë, sidomos për punë nga shtëpia, ku letra e motivimit shpesh është dokumenti i parë që lexohet.

Mos neglizho mënyrën si e dërgon aplikimin

Shumë njerëz përqendrohen vetëm te përmbajtja e letrës, por harrojnë një detaj shumë të rëndësishëm: mënyrën si e dërgojnë atë.

Letra e motivimit zakonisht dërgohet me email dhe prezantimi yt aty ka po aq rëndësi sa vetë letra. Një email profesional mund të krijojë përshtypjen e parë pozitive ose negative, pavarësisht sa e mirë është letra.

Një këshillë kundër rrymës

Shumica mendojnë se CV-ja është dokumenti më i rëndësishëm. Nga përvoja ime, shpesh ndodh e kundërta. Letra e motivimit është më e rëndësishme se CV-ja, sepse CV-ja tregon çfarë ke bërë, ndërsa letra tregon kush je.

Letra e motivimit nuk është një formalitet. Është mundësia jote për të folur drejtpërdrejt me personin që po lexon aplikimin. Nëse e shkruan bazuar në veten tënde reale dhe jo në modele të gatshme, ajo bëhet një nga armët më të forta që ke në çdo aplikim.

Kjo është një nga pyetjet që më bëhet më shpesh nga bizneset lokale në Shqipëri, sidomos nga car rental, shërbime turistike dhe biznese sezonale. Përgjigjja e shkurtër?
Varet nga qëllimi yt.
Por përgjigjja e saktë vjen vetëm kur e shohim nga eksperienca reale, jo nga teoria.

Si kërkojnë klientët realë sot?

Sjellja e klientëve në Shqipëri është më e strukturuar sesa duket në pamje të parë. Instagrami përdoret kryesisht për frymëzim, ide dhe krahasim vizual, por momentin që lind nevoja reale për të blerë një shërbim, sjellja ndryshon.

Kur një person ka një nevojë konkrete — për shembull rent a car, hotel, klinikë apo shërbim profesional — ai zakonisht i drejtohet Google. Aty kërkon, hap dy ose tre faqe të ndryshme, lexon informacionin dhe përpiqet të kuptojë se cili biznes duket më serioz dhe më i besueshëm.

Ky proces nuk është impulsiv. Është racional. Klienti kërkon:

• informacion të qartë
• transparencë
• strukturë
• dhe shenja besimi

Në Instagram, kontakti ndodh kryesisht në DM, dhe pikërisht aty lind problemi. Mesazhet private nuk ofrojnë kontekst, nuk japin siguri dhe nuk krijojnë të njëjtin nivel besimi si një website i strukturuar. Shumë klientë hezitojnë të marrin vendime vetëm mbi bazën e një bisede në DM, sepse në DM nuk besohet çdo gjë.

Pikërisht për këtë arsye, Instagrami ndihmon në fazën e vëmendjes, ndërsa website-i ndikon drejtpërdrejt në vendimin final të klientit.

Instagram – i fortë për vëmendje, i dobët për besim

Instagrami është shumë efektiv për biznese që ofrojnë pak shërbime dhe ku porosia mund të bëhet shpejt, zakonisht me një mesazh të vetëm. Vendimi i klientit në këto raste është impulsiv dhe emocional, siç ndodh shpesh me ushqimin, estetikën apo shërbimet e bazuara te influencuesit.

Megjithatë, nga eksperienca ime, Instagrami ka kufizime të qarta kur bëhet fjalë për besim. Klientët nuk ndihen plotësisht të sigurt vetëm duke parë një profil, nuk kanë një vend ku të lexojnë informacion të detajuar dhe mungon struktura që i ndihmon të marrin një vendim të qartë.

Instagrami është një kanal komunikimi, jo baza e një biznesi.

Doni të dini si të perdorni profilin tuaj në instagram për më shumë shitje?

Ne kemi një guidë si të përdorni profilin tuaj në instagram për më shumë shitje tek BOS.

Website – baza e besimit dhe klientëve seriozë

Një website i ndërtuar siç duhet:

• jep informacion të plotë
• ndërton besim
• punon për ty 24/7
• sjell klientë edhe kur nuk poston asgjë

Nëse nuk jeni të bindur që nuk ju duhet një website(faqe interneti) shikoni 10 arsye pse biznesit tuaj i duhet një faqe interneti.

Case Study: Car Rental në Shqipëri

Një biznes car rental me të cilin kam punuar kishte fillimisht vetëm një faqe në Instagram. Klientët vinin kryesisht gjatë sezonit turistik dhe trafiku ishte i paqëndrueshëm, i varur nga postimet dhe reklamat.

Pas krijimit të një website-i të strukturuar siç duhet dhe të optimizuar për Google, situata ndryshoi ndjeshëm. Biznesi filloi të merrte kërkesa direkte nga motorët e kërkimit dhe, më e rëndësishmja, vazhdon të sigurojë klientë edhe jashtë sezonit turistik.

Kjo tregon qartë diferencën mes:
“dikush më pa” dhe “dikush më kërkoi.”

Gabimi më i shpeshtë që shoh tek bizneset

Shumë biznese:

• bëjnë dizajn pa strategji
• pa SEO
• pa UX
• pa menduar rrugën e klientit

Website nuk është thjesht “ta kem edhe unë”.
Website është mjet shitjeje, nëse ndërtohet si i tillë.

“Instagrami është falas, website jo”

Kjo fjali dëgjohet shpesh.

Por realiteti është ky:

• Instagrami kërkon kohë, postime, reklama
• Website kërkon ndërtim të zgjuar një herë
• pastaj punon për ty vazhdimisht

Instagrami është qira.
Website është pronë.

Krahasimi real

Përfundimi im profesional

Instagrami është për vëmendje, website për klientë.

Nëse ke një biznes lokal në Shqipëri dhe dëshiron:

• të dukesh serioz
• të gjendesh në Google
• të marrësh klientë edhe jashtë sezonit

Website nuk është luks. Është domosdoshmëri.

Nëse jeni bindur qe doni te rrisni biznesin tuaj shikoni dhe si te zgjidhni nje agjensi marketingu.

Pse “Skeptikët” e kanë gabim dhe si bizneset e mençura shqiptare po fitojnë besimin e tregut.

“Shqiptarët nuk blejnë online.”

Këtë fjali e dëgjoj vazhdimisht. Si ekspert i marketingut dixhital në bos.al, takoj çdo ditë pronarë biznesesh dhe sipërmarrës të rinj, dhe e kuptoj plotësisht nga vjen kjo frikë. Ju shikoni tregun, shihni njerëz që duan ta prekin materialin para se ta blejnë, shihni dominimin e parasë fizike (cash) dhe pyesni veten: A ia vlen investimi?

Përgjigja e shkurtër është Po. Përgjigja e gjatë është: Po, por jo në mënyrën që mendoni ju.

Pas vitesh përvoje në agjenci duke udhëhequr klientë nga zeroja drejt suksesit, ja cila është e vërteta mbi konsumatorin shqiptar dhe si mund ta bindni atë të shtypë butonin “Porosit”.

Problemi nuk është Interneti. Është Frika nga Mashtrimi.

Kundërshtimi më i madh që hasim në agjenci nuk ka të bëjë me teknologjinë; ka të bëjë me besimin.

Në Shqipëri, kemi një “traumë” specifike: porosisim një fustan apo veshje që duket si modë e lartë në foto, por kur vjen duket si një leckë e lirë. Ky hendek midis “pritshmërisë dhe realitetit” e ka bërë blerësin shqiptar skeptik.

Përvoja ime: Kam parë që konsumatorët nuk kanë frikë nga interneti; ata kanë frikë mos gënjehen.

• Zgjidhja: Nëse shisni veshje (që është biznesi më popullor online në Shqipëri), fotot stok (të marra nga interneti) janë armiku juaj. Strategjia që ne aplikojmë është Social Commerce—Video reale në TikTok, foto të pa-edituara në Instagram dhe vlerësime nga klienti real.
• Mësimi: Kur njerëzit shohin realitetin, ata hapin portofolin.

Modeli Shqiptar: Instagrami është “Dyqani” i Ri

Nëse po prisni që të gjithë të përdorin kartat e kreditit në një faqe interneti komplekse (.com), po prisni për një të ardhme që nuk është plotësisht këtu. Por nëse analizon Instagramin dhe TikTok-un, tregu po shpërthen.

Rasti i Studimit (Case Study): Mbaj mend një klient që erdhi tek ne duke zotëruar vetëm një dyqan fizik. Ata ishin të bindur se klientët duhet të hynin vetë në derë për të blerë. Ne nuk i detyruam ata të ndërtonin menjëherë një sistem gjigant. Në vend të kësaj, u fokusuam aty ku ishte vëmendja.

• Ndryshimi: E zhvendosëm strategjinë e shitjes në Instagram.
• Rezultati: Brenda 6 muajsh, shumica e blerësve të tyre vinin nga Instagrami, jo nga trotuari. Ata jo vetëm që mbijetuan tranzicionin, por tejkaluan kapacitetin e dyqanit të tyre fizik.

Për dyqanet butik në Shqipëri, Inbox-i (DM) juaj është arka juaj.

Të duhet një guide si të hapësh një dyqan online?

Ne kemi një guide si të hapësh një dyqan online në Shqipëri tek Bos.

Pagesa në Dorëzim (Cash) është ende Mbret

Shumë “guru” do t’ju thonë se keni nevojë për pagesa plotësisht të automatizuara me kartë. Por përvoja ime në tregun lokal tregon një histori tjetër. Sistemi “Cash on Delivery” (Pagesa në Dorëzim) nuk është një pengesë; është ura që lejon shqiptarët skeptikë të blejnë të sigurt.

Duke pranuar para në dorë, ju hiqni rrezikun për blerësin. Pasi të dorëzoni një produkt cilësor dhe ata t’ju paguajnë cash, ju fitoni besimin e tyre. Herën tjetër, ata mund të paguajnë me kartë. Por fillimisht duhet ta fitoni atë të drejtë.

Ekspertiza fiton mbi çmimin e “Lirë” çdo herë

Ekziston një mit se blerësit online në Shqipëri duan vetëm artikullin më të lirë. Të dhënat tona vërtetojnë të kundërtën.

Surpriza e Produkteve të Shtëpisë: Menaxhuam një kompani që shiste produkte shtëpiake në një treg shumë të ngopur me konkurrentë që shisnin lirë. Logjika thotë se fiton shitësi më i lirë, apo jo? Gabim.

Kjo kompani u pozicionua si eksperte. Ne nuk postuam thjesht produktin; postuam si përdoret, pse ishte më i mirë dhe shkencën pas tij.

• Përfundimi: Ky u bë një “best-seller” i papritur. Njerëzit zgjodhën ekspertin mbi alternativën e lirë sepse, në një botë me mashtrime online, Autoriteti = Siguri.

E Ardhmja: AI dhe Pritshmëria e Shpejtësisë

Tregu po ndryshon më shpejt se kurrë. Vitet e fundit, kam vënë re një ndryshim ku konsumatorët po përdorin modele AI dhe kërkime të avancuara për të marrë vendime, para se të flasin me ju.

Parashikimi im: Prania online nuk është më “diçka e mirë për t’u pasur”. Është çelësi për mbijetesën e biznesit. Në të ardhmen e afë, nëse një klient nuk mund t’ju gjejë, t’ju verifikojë dhe të gjykojë ekspertizën tuaj online, ju thjesht nuk do të ekzistoni për të.

Përfundim

Pra, “A do të blejnë njerëzit online?”

Ata tashmë po blejnë. Por ata nuk po blejnë nga faqe interneti të paidentifikuara me foto të rreme. Ata po blejnë nga markat që tregojnë përmbajtje reale, që angazhohen në rrjetet sociale dhe demonstrojnë ekspertizë.

Nëse jeni një pronar biznesi që ende keni dyshime, le të jetë portofoli i agjencisë sonë, bos.al, prova juaj: Pyetja nuk është nëse do të blejnë, por nga kush do të blejnë. A do të jeni ju, apo konkurrenti juaj që filloi të postonte në TikTok sot?

Nga Tomas Monka, BOS.al

Gjithçka nisi nga nostalgjia. Doja të luaja një lojë të vjetër kompjuterike që ishte mbyllur në vitin 2020. Gjeta një link në internet që premtonte një “version të ringjallur” ose një launcher të ri. Klikova “Download”.

Brenda një nate, ai klikim i vetëm u kthye në një dhimbje koke të vërtetë dhe një leksion të vlefshëm mbi rëndësinë e sigurisë kibernetike. Hakeri fitoi akses në llogaritë e mia në Instagram, Facebook, Discord dhe Gmail, duke dërguar mesazhe mashtruese te miqtë e mi ndërsa unë flija. Nuk ishte thjesht një virus që ngadalëson kompjuterin; ishte një “Info Stealer” (Vjedhës Informacioni) i sofistikuar që anashkaloi plotësisht fjalëkalimet e mia dhe verifikimin me dy hapa (2FA) për një periudhë të shkurtër kohore.

Nëse miqtë tuaj po marrin mesazhe mashtruese nga llogaria juaj, ose nëse shihni llogari të çuditshme të lidhura me Facebook-un tuaj, mund të jeni infektuar me të njëjtin malware. Ja si e gjeta, si e pastrova kompjuterin dhe si e rimora kontrollin e llogarive të mia brenda 24 orëve.

Simptomat: Si e kuptova që siguria ime ishte cënuar

Sulmi ndodhi shpejt. Ishte i heshtur derisa shpërtheu gjithçka në të njëjtën kohë:

1. Instagram: Gjatë natës, llogaria ime kishte filluar t’u dërgonte mesazhe mashtrimi (scam) të gjithë miqve të mi pa dijeninë time. Ky fenomen është raportuar gjerësisht kohët e fundit, i ngjashëm me incidentin e famshëm “MrBeast Crypto Scam” ku mijëra përdorues u preken nga e njëjta teknikë mashtrimi.
2. Meta/Facebook: Një llogari e panjohur VR e quajtur “Bossman123555” u shfaq papritur në Qendrën time të Llogarive (Accounts Center).
3. Discord: Më nxori jashtë (log out) dhe llogaria ime po përdorej për të bërë spam në servera të ndryshëm.
4. Hyrjet “Fantazmë”: Edhe pasi ndryshova fjalëkalimet, hakerat vazhdonin të hynin sërish sepse sesioni ishte ende aktiv në kompjuterin tim.

Diagnoza: Çfarë është “Info Stealer” Malware?

Shumica e njerëzve mendojnë se hakerat gjejnë fjalëkalimin tuaj duke e gjetur me hamendje. Gabim. (Për të kuptuar më mirë natyrën e këtyre rreziqeve, lexoni artikullin tonë shpjegues: Çfarë janë sulmet kibernetike?).

Unë kisha fjalëkalime të ndryshme për çdo llogari, por prapë u hakova. Pse? Sepse malware-i që shkarkova vodhi “Browser Cookies” dhe “Session Tokens”.

Këto janë “çelësat” dixhitalë që kompjuteri juaj ruan në mënyrë që të mos keni nevojë të shkruani fjalëkalimin sa herë që hapni Facebook-un. Virusi kopjoi këto çelësa dhe ia dërgoi hakerit. Hakerit nuk i duhej fjalëkalimi im; ai thjesht hapi shfletuesin e tij, importoi “cookies” e mia dhe u bë “unë” pa pasur nevojë për kod hyrjeje.

Hetimi: Si ta gjeni virusin në laptop

Skanimi im me antivirus doli i pastër. Kjo është e zakonshme me malware-ët modernë të tipit “Info Stealer”. Më duhej ta gjeja manualisht. Nëse dyshoni se jeni infektuar, ja cilat janë dosjet specifike që duhet të kërkoni.

1. Gjurmët në Task Manager

Hapa Task Manager (CTRL + SHIFT + ESC) dhe kontrollova tab-in Startup Apps. Gjeta dy programe të dyshimta që nuk i kisha instaluar kurrë:

• “Free”: Një program me një ikonë gjenerike dhe pa emër publikuesi (Publisher).
• “UnInstDaemon”: Një “uninstaller” fals që virusi përdorte për të qëndruar aktiv.

2. Vendet e fshehta (AppData)

Virusi nuk ndodhej në Program Files ku instalohen programet normale. Ai fshihej thellë në dosjet e fshehta të sistemit.

Shkova tek %appdata% (Dosja Roaming) dhe gjeta dosje false që dukeshin reale, por në fakt ishin fshehja e virusit:

• AppData\Roaming\Crypto: Këtu ndodhej skedari kryesor i virusit (.exe).
• AppData\Roaming\Windows: Një dosje false; skedarët e vërtetë të Windows nuk qëndrojnë kurrë këtu.

3. Këmbëza: DNSCtrl_v3_0

Kjo ishte pjesa e fundit e enigmës. Brenda dosjes sime Startup (shell:startup), gjeta një shortcut të quajtur DNSCtrl_v3_0.

Tingëllon si një skedar sistemi teknik, por në fakt ishte “çelësi” që rindizte virusin automatikisht sa herë që unë ndizja laptopin.

Zgjidhja: Si ta pastroni virusin hap pas hapi

Nëse thjesht ndryshoni fjalëkalimet pa hequr virusin, ai do të vjedhë të rejat menjëherë. Duhet të ndiqni këtë radhë strikte:

Hapi 1: Vrisni Procesin

Hapni Task Manager, gjeni proceset me emrin “Free” ose “UnInstDaemon”, klikoni me të djathtën dhe zgjidhni End Task. Më pas, shkoni te tabi Startup dhe bëjini Disable.

Hapi 2: Fshini Skedarët e Infektuar

Shkoni tek %appdata% dhe fshini dosjet Crypto, Windows, ose Free. Shkoni tek shell:startup dhe fshini shortcut-in DNSCtrl_v3_0. Sigurohuni që të boshatisni Recycle Bin (Koshin e Plehrave) menjëherë pas kësaj.

Hapi 3: Pastrimi i “Cookies” (KRITIKE)

Meqenëse hakeri ka kopje të cookies tuaja të vjetra, duhet t’i bëni ato të pavlefshme.

• Hapni shfletuesin (Chrome, Edge, Firefox).
• Shtypni CTRL + SHIFT + DELETE.
• Zgjidhni “All Time” (Gjithë kohës).
• Selektoni Cookies and site data.
• Klikoni Clear Data. Kjo do t’ju nxjerrë (log out) nga të gjitha llogaritë, gjë që është pikërisht ajo që duam.

Hapi 4: Siguroni Llogaritë Përfundimisht

• Facebook/Instagram: Shkoni tek “Accounts Center” dhe hiqni çdo llogari të panjohur të lidhur (si llogaria VR “Bossman” që gjeta unë). Nëse keni nevojë për hapa më të detajuar specifikisht për këtë platformë, ndiqni udhëzuesin tonë: 3 hapa të rëndësishëm kur llogaria juaj në Instagram është vjedhur.
• Ndryshoni Fjalëkalimet: Tani që virusi u zhduk dhe cookies u pastruan, ndryshoni fjalëkalimet për Facebook, Gmail dhe Discord për herë të fundit. Aktivizoni 2FA (Autentifikimin me dy faktorë).

Parandalimi: Si të mbroni veten nga vjedhja e të dhënave

Unë e mësova mësimin në mënyrën e vështirë, por ju nuk keni pse. Për strategji të plota mbrojtjeje në të gjitha platformat, lexoni artikullin tonë: Si të mbrojmë llogaritë tona në platforma sociale.

Ndërkohë, zbatoni këto rregulla bazë:

1. Kujdes me “Abandonware”: Shkarkimi i lojërave që nuk mbështeten më zyrtarisht (si ajo e vitit 2020 që provova unë) është metoda numër 1 për të marrë Info Stealers. Hakerat e dinë që jeni të dëshpëruar për lojën dhe fshehin viruse në “Launcher” ose “Crack”.
2. Përdorni uBlock Origin: Instaloni këtë shtojcë falas në browser-in tuaj. Ajo bllokon butonat falsë “Download Now” në faqet e ndarjes së skedarëve që ju mashtrojnë për të shkarkuar malware në vend të skedarit që kërkoni.
3. Kontrolloni Startup rregullisht: Nëse shihni një aplikacion të quajtur “Program”, “Free”, ose diçka pa emër publikuesi në Task Manager Startup, hetojeni menjëherë.

Pyetjet e Shpeshta (FAQ)

Si ta kuptoj nëse laptopi im ka virus? Nëse shihni programe të çuditshme si “Free” ose “UnInstDaemon” në Task Manager, ose nëse llogaritë tuaja sociale sillen çuditshëm (postojnë vetë, dërgojnë mesazhe), ka shumë mundësi të jeni infektuar.

A mjafton të ndryshoj fjalëkalimin? Jo. Nëse keni një “Info Stealer”, hakeri vjedh “Session Cookies”. Duhet të pastroni virusin dhe të fshini Cookies nga browseri para se të ndryshoni fjalëkalimin.

Çfarë duhet të bëj nëse më hakohet Instagrami? Kontrolloni menjëherë “Accounts Center” për të parë nëse ka llogari të panjohura të lidhura (Linked Accounts) dhe hiqini ato. Më pas, ndiqni hapat e mësipërm për të pastruar pajisjen.

Mos lejoni që një moment nostalgjie t’ju kushtojë identitetin tuaj dixhital. Nëse hakoheni, mos bëni panik—ndiqni hapat, pastroni malware-in dhe mund ta rimerrni jetën tuaj mbrapsht. Unë ia dola.

Keni nevojë për auditim të sigurisë kibernetike për biznesin tuaj apo këshilla për mbrojtjen e të dhënave? Na kontaktoni në BOS.al.

Nga: Një Ekspert i Teknologjisë

Si dikush që punon çdo ditë në industrinë digjitale dhe është në kontakt me teknologjitë e fundit, gjithmonë jam në kërkim të veglave që rrisin produktivitetin. Por, të jem i sinqertë, asgjë nuk më ka përgatitur për atë që Google sapo lëshoi.

Po flas për Google Antigravity.

Kur dëgjova për herë të parë, mendova se ishte thjesht një tjetër “chat” inteligjent. Por pasi e instalova dhe e testova, kuptova dy gjëra: e para, Google sapo i dhuroi botës një nga veglat më të fuqishme të krijimit digjital falas; dhe e dyta, industria jonë — dhe mënyra se si ne ndërtojmë zgjidhje për klientët — ndoshta nuk do të jetë kurrë më e njëjta.

Çfarë është saktësisht Google Antigravity?

Për ta thënë thjesht, për ata që nuk janë të fushës së teknologjisë: Imagjinoni sikur keni një koleg gjeni që qëndron ulur pranë jush 24/7. Ju nuk keni nevojë t’i diktoni çdo detaj teknik. Ju thjesht i thoni: “Dua të krijoj një faqe për shitjen e makinave”, dhe ai jo vetëm që ju jep idetë, por fillon të ndërtojë strukturën, të shkruajë kodin dhe të rregullojë gabimet brenda sekondave.

Google Antigravity nuk është thjesht një faqe interneti ku bën pyetje. Është një mjedis i plotë pune, por që ka në zemër modelin më të ri të inteligjencës artificiale, Gemini 3 Pro.

Përvoja ime: “Wow” dhe Frika

Ajo që më befasoi më shumë ishte fakti se nuk ka më procese manuale të përsëritura.

Të gjithë e dimë dhimbjen e kokës me mjetet e vjetra: merr informacionin, kopjoje, gje ku ta vendosësh, rregullo gabimet. Me Antigravity, kjo histori merr fund. Ti i thua çfarë të bëjë, dhe ai e ndryshon projektin direkt. Është sikur një dorë e padukshme po punon së bashku me ty.

Unë i dhashë disa detyra komplekse, gjëra që normalisht do të merrnin orë të tëra kërkimesh. Gemini 3 i zgjidhi ato me një saktësi të jashtëzakonshme.

Këtu lindi ajo ndjenja e dyzuar. Nga njëra anë, isha i fascinuar. Për këdo që ndërton produkte digjitale, kjo është ëndërr. Por nga ana tjetër, të bën të pyesësh: Ku do të jemi pas 5 vitesh?

Çfarë do të thotë kjo për bizneset dhe klientët tanë?

Përtej anës teknike, kjo është një fitore e madhe për këdo që kërkon shërbime digjitale. Përdorimi i veglave si Antigravity do të thotë:

1. Shpejtësi: Aplikacionet dhe faqet e internetit mund të ndërtohen shumë më shpejt se më parë.
2. Fokus te Kreativiteti: Në vend që të harxhojmë kohë me detaje teknike të rëndomta, ne mund të fokusohemi te logjika e biznesit tuaj dhe te përvoja e përdoruesit.
3. Kosto më e ulët e eksperimentimit: Mund të krijojmë prototipe funksionale brenda ditës për të testuar idetë tuaja.

Ana tjetër e medaljes: A është perfekt?

Jo, nuk është ende perfekt. Pavarësisht fuqisë së Gemini 3, ka një gjë që mund t’ju bezdisë: Koha. Edhe për detyra që duken të thjeshta, ndonjëherë duhet të presësh pak që AI të “mendohet” dhe të ekzekutojë ndryshimet.

Gjithashtu, ekziston rreziku i keqpërdorimit. Jemi ende në fazat e para të AI. Por, unë besoj se AI do të bëjë shumë gjëra në të ardhmen që ne sot mezi i imagjinojmë.

Pse duhet ta provoni (sidomos komuniteti në Shqipëri)?

1. Është Falas: Google e ka bërë të aksesueshëm për të gjithë, bashkë me Gemini 3 Pro. Kjo është një mundësi e artë për këdo në Shqipëri e Kosovë që do të eksperimentojë.
2. Flet Shqip: Po, mund t’i shkruani kërkesat tuaja në gjuhën shqipe dhe ai i kupton dhe i ekzekuton saktë. Kjo heq çdo barrierë gjuhe.
3. Mësoni më shpejt: Antigravity jua shpjegon dhe e zgjidh problemin, duke ju lejuar të fokusoheni te inovacioni.

Përfundimi

Google Antigravity nuk është thjesht një mjet tjetër; është një ndryshim i lojës. Për mua, kjo është një thirrje për t’u përshtatur. Puna manuale teknike po bëhet gjithnjë e më pak e nevojshme, ndërsa aftësia për të drejtuar Inteligjencën Artificiale për të krijuar vlerë reale po bëhet thelbësore.

Nëse doni të dini se si mund ta përdorim teknologjinë më të fundit për të rritur biznesin tuaj, na kontaktoni sot.

Nëse doni një fjali për ta mbajtur mend nga ky artikull, është kjo:

“Fillimi i fundit të kodimit ka nisur.”

Dhe sinqerisht? Mezi pres të shoh çfarë vjen më pas.

Kategoria: Lajme Teknologji / Analizë

Më 18 Nëntor 2025, bota dixhitale mbajti frymën. Për rreth tre orë kritike, gjigantët e internetit si ChatGPT, X (Twitter), Spotify, Canva dhe Discord u bënë të paaksesueshëm, duke lënë miliona përdorues përballë ekranit me gabimin e frikshëm “500 Internal Server Error”.

Ndërsa inxhinierët nxituan të rregullonin atë që u quajt zyrtarisht një “gabim teknik”, koha e saktë e kësaj ngjarjeje ngre pikëpyetje të mëdha për çdo ndjekës të lajmeve teknologji. Arsyeja është sa e thjeshtë aq edhe intriguese: Në të njëjtën ditë, Google lëshoi modelin e tij më të fuqishëm dhe revolucionar, Gemini 3.

A ishte kjo thjesht një koinçidencë e pafat, apo ka vend për pikëpyetje më të mëdha?

Varianti Zyrtar: Si një “Bug” Paralizoi Botën

Sipas raportit zyrtar nga Cloudflare, e cila shërben si “shtylla kurrizore” për 20% të trafikut global të internetit, shkaku ishte krejtësisht teknik, i brendshëm dhe fatkeqësisht, njerëzor.

Detajet teknike janë specifike:

• Veprimi: Një inxhinier i kompanisë ndryshoi një leje (permission) në bazën e të dhënave gjatë një procedure rutinë mirëmbajtjeje.
• Reaksioni Zinxhir: Ky ndryshim, në dukje i parëndësishëm, bëri që baza e të dhënave të kthente rreshta të dublikuar. Kjo shkaktoi një “fryrje” eksponenciale të një skedari konfigurimi kritik në sistemin e Bot Management (Menaxhimi i Boteve).
• Kolapsi: Softueri nuk ishte programuar të përballonte një skedar kaq të madh. Si rezultat, sistemi pësoi “panic” (ngriu) dhe bllokoi trafikun legjitim, duke marrë me vete mijëra faqe interneti dhe aplikacione bankare, sociale e tregtare.

Shënim nga BOS: Kjo tregon rëndësinë e mirëmbajtjes së kujdesshme të sistemeve. Nëse jeni të interesuar për sigurinë e infrastrukturës suaj, lexoni më shumë në blogun tonë mbi Sulmet Kibernetike.

Kjo është një shpjegim teknikisht i besueshëm për ekspertët e IT-së. Megjithatë, jo të gjithë në komunitetin online janë të bindur se kjo është e gjithë historia.

Pse Interneti po “Zien” nga Teoritë?

Lidhja që ka nxitur imagjinatën e publikut nuk është teknike, por kohore. Fakti që sistemi i Cloudflare që dështoi ishte pikërisht ai që menaxhon Bot-et (përfshirë trafikun nga Inteligjenca Artificiale), dhe dështimi ndodhi fiks në ditën kur u lëshua AI më i avancuar në botë, ka krijuar terrenin perfekt për spekulime.

Gemini 3 nuk është thjesht një përditësim; ai prezantohet si një model me aftësi “Agjenti”, i aftë të lundrojë në web dhe të veprojë në mënyrë autonome. A e trembi kjo infrastrukturën ekzistuese?

Çfarë po përflitet në rrjet? (Skenarët e Internetit)

Edhe pse pa prova konkrete, këto janë narrativat që po dominojnë diskutimet në rrjetet sociale dhe blogjet e lajme teknologji:

1. Mbingarkesa nga Kurioziteti: Një teori popullore (dhe më e mundshmja nga ato “jo-zyrtare”) sugjeron se trafiku i krijuar nga njerëzit dhe bot-et që nxituan të testonin Gemini 3 ishte aq masiv, saqë detyroi Cloudflare të bënte përditësime urgjente në infrastrukturë. Nxitimi për të përditësuar rregullat e filtrimit të boteve mund të ketë çuar në gabimin fatal njerëzor.
2. “Lufta” e Algoritmeve: Disa përdorues spekulojnë se infrastruktura aktuale e internetit po vuan për të përballuar sofistikimin e modeleve të reja si Gemini 3. A ishte ky dështim një shenjë se mjetet tona të sigurisë janë vjetëruar përballë AI-së së re? A po përpiqej Cloudflare të bllokonte një fluks të papritur të dhënash nga agjentët e rinj të Google?
3. Narrativa e “Zgjimit”: Teoritë më të skajshme, të denja për filma fantastiko-shkencorë, sugjerojnë se ndërprerja ishte një masë emergjente (“Kill Switch”) për të izoluar sisteme të caktuara. Sigurisht, kjo mbetet në sferën e fantazisë, por tregon qartë se sa shumë mitizohet fuqia e AI në ditët e sotme.

Kronologjia e Errësirës

Për të kuptuar shkallën e incidentit, ja si u zhvillua ngjarja më 18 Nëntor (sipas orës lokale):

• 11:20 UTC: Nisën raportimet e para për ngadalësimin e internetit.
• 11:48 UTC: Cloudflare konfirmon problemin, por faqja e tyre e statusit gjithashtu bie.
• 12:30 UTC: Platformat kryesore si OpenAI dhe Discord ishin plotësisht jashtë funksionit.
• 14:30 UTC: Situata filloi të normalizohej pasi inxhinierët rikthyen versionin e vjetër të skedarit.

Përfundim: Një Kujtesë për Brishtësinë e Internetit

Pavarësisht nëse besoni shpjegimin e thatë teknik apo ju tërheqin koinçidencat misterioze, një gjë është e sigurt për të gjithë ata që ndjekin lajme teknologji:

Data 18 Nëntor 2025 tregoi se sa i brishtë është ekosistemi ynë digjital. Qoftë nga një rresht kodi i shkruar gabim, apo nga presioni i një epoke të re të Inteligjencës Artificiale, interneti mund të “fiket” më lehtë nga sa mendojmë. Në një botë ku AI po bëhet gjithnjë e më autonome, pyetja mbetet: A jemi gati për trafikun që ajo do të sjellë?

Rastësi apo pasojë e pashmangshme e evolucionit teknologjik? Gjykojeni vetë.

Të kuptosh si të zgjidhni një agjensi marketingu në Shqipëri mund të jetë e vështirë. Po kërkoni në Google dhe ndjeheni të mbingarkuar nga zgjedhjet? Nuk jeni vetëm. Si një agjensi marketingu me mbi 7 vite eksperiencë dhe partneritete me mbi 85 biznese, ne duam të ndajmë me ju disa këshilla të sinqerta.

Qëllimi ynë nuk është t’ju shesim shërbimet tona në këtë artikull, por t’ju ndihmojmë të bëni pyetjet e duhura, pavarësisht se kë zgjidhni.

Ja se si të gjeni agjencinë e duhur bazuar në tre faktorë kyç: Specialiteti, Përvoja dhe Buxheti.

1. Specialiteti: A e Zgjidhin Ata Problemin Tuaj Specifik?

Para se të thellohemi te specialitetet, një shënim i vogël: Shumë klientë na pyesin nëse shkruhet ‘agjensi’ apo ‘agjenci’ marketingu. Pavarësisht nëse kërkoni për një ‘agjenci’ (me c) apo edhe ‘axhensi’, parimet e përzgjedhjes mbeten të njëjta. E rëndësishme është të gjeni partnerin që kupton gjuhën e biznesit tuaj.

Çdo agjenci ka pikat e saj të forta. Disa janë të shkëlqyera në branding dhe video kreative. Të tjera janë eksperte në menaxhimin e rrjeteve sociale dhe ndërveprimin me audiencën. Disa, si ne, kanë një fokus të fortë teknik në SEO (Optimizimi për Motorët e Kërkimit).

Problemi më i madh që ne shohim te klientët tanë të rinj? “Nuk po dalim në Google.”

Kur flisni me një agjenci, mos pyesni thjesht “A bëni SEO?”. Pyetni: “A mund të më tregoni një shembull suksesi?”

Shembull konkret: Një biznes makinash me qera erdhi te ne me një problem të qartë: ata nuk shfaqeshin fare në faqet e para të Google për industrinë e tyre. Kjo do të thoshte që të gjithë klientët po shkonin te konkurrentët. Pas një partneriteti 2-3 mujor, ne jo vetëm që i futëm në faqen e parë të Google, por pas 6 muajsh, ata arritën në vendin e parë për një fjalë kyçe me volum të lartë kërkimi.

Këshilla jonë: Gjeni një agjenci që ka një histori suksesi të provuar në zgjidhjen e saktë të problemit që ju keni.

2. Përvoja: A Po Kërkoni një “Sprint” 1-Mujor apo një Partner Afatgjatë?

Shumë biznese kërkojnë rezultate të menjëhershme. Dhe kjo është e kuptueshme. Por marketingu i vërtetë, ai që ndërton një markë të qëndrueshme, është një maratonë, jo një sprint.

Përvoja e një agjencie nuk matet vetëm me vitet në treg, por me kohëzgjatjen e marrëdhënieve me klientët. A i mbajnë ata klientët për 2 muaj apo për 2+ vite?

Partneritetet afatgjata janë thelbësore. Këtë e themi si një agjensi marketingu me eksperiencë të gjatë, veçanërisht për bizneset në sektorin e shërbimeve dhe turizmit.

Shembull nga përvoja jonë: Ne kemi një partneritet të mrekullueshëm prej mbi 5 vitesh me Bujtina Mera. Ky bashkëpunim i gjatë na ka lejuar të kuptojmë thellësisht sezonalitetin e biznesit të tyre, të përshtatim strategjitë tona çdo vit dhe të ndërtojmë një imazh koherent online. Kjo lloj marrëdhënieje çoi në një rritje të ndjeshme të prezencës së tyre, sidomos në rrjetet sociale, diçka që një fushatë e shkurtër 3-mujore nuk do ta arrinte kurrë.

Këshilla jonë: Pyesni agjencinë për klientin e tyre më të vjetër. Kjo do t’ju tregojë më shumë për qëndrueshmërinë e tyre sesa çdo prezantim tjetër.

3. Buxheti: Sa Duhet të Shpenzoj?

Kjo është pyetja më e zakonshme. Sa kushton marketingu dixhital?

Përgjigja e sinqertë është: Varet.

Bizneset e vogla dhe ato që sapo kanë filluar në mediat sociale (si dyqanet në Instagram) natyrisht që kanë buxhete të ndryshme nga bizneset e mesme apo të mëdha. Një agjenci e mirë nuk do t’ju japë një çmim fiks pa kuptuar fillimisht qëllimet tuaja.

Tek ne, çdo bashkëpunim fillon me një takim fillestar dhe një analizë të tregut. Ne nuk ofrojmë paketa standarde “të arta” apo “argjendi”, sepse biznesi juaj nuk është standard. Ne ofrojmë zgjigje të personalizuara që përshtaten si me qëllimet, ashtu edhe me buxhetin tuaj.

Qëllimi nuk duhet të jetë gjetja e agjencisë më të lirë. Qëllimi është të gjeni atë që ofron vlerën (ROI) më të lartë për investimin tuaj.

Këshilla jonë: Jini të hapur për buxhetin tuaj, por gjithashtu pyesni se cilat janë rezultatet e pritshme për atë buxhet. Një agjenci e mirë do t’ju thotë sinqerisht nëse pritshmëritë tuaja janë realiste për buxhetin që keni.

Përfundim: Partneri i Duhur ju Dëgjon

Në fund të ditës, zgjedhja e një agjencie marketingu është si zgjedhja e një partneri biznesi. Ju duhet një ekip që jo vetëm ka aftësitë teknike (si Web Development, Social Media, SEO dhe Graphic Design), por që gjithashtu beson te vizioni juaj dhe punon ngushtë me ju për ta realizuar atë.

Ne shpresojmë që ky udhëzues t’ju ketë ndihmuar të kuptoni më mirë si të zgjidhni një agjensi marketingu bazuar në specialitetin, përvojën dhe buxhetin.

Jeni gati të punësoni një partner afatgjatë? Mos humbni kohë me eksperimente. Shihni Portofolin tonë të Shërbimeve ose na kontaktoni direkt për një konsultë falas.

ChatGPT kundër Google. Kjo nuk është thjesht një krahasim mes dy teknologjive – është fillimi i një konkurrencë të fortë për dominimin e kërkimit në internetin e kërkimit në internet. Me përditësimin më të fundit të ChatGPT dhe shfaqjen e Atlas Browser, shumë ekspertë teknologjie po thonë se Google po përballet me sfidën më të madhe të historisë së saj.

Në këtë artikull, do të analizojmë me fakte se çfarë po ndodh në të vërtetë:

• Si po ndryshon mënyra jonë e kërkimit të informacionit?
• Çfarë është Atlas Browser dhe pse konsiderohet kërcënim për Google?
• A do të zhduken SEO dhe kërkimi tradicional?
• Si duhet të përgatiten bizneset dhe profesionistët e marketingut?

Ky është një ndryshim i rëndësishëm që mund të çojë në transformim të madh në mënyrën si kërkojmë informacion. Ky është një revolucion.

ChatGPT vs Google: Dy filozofi të ndryshme të kërkimit

Google ka qenë për më shumë se 20 vjet porta kryesore e informacionit në botë. Por mënyra e kërkimit ka mbetur pothuajse e njëjtë:

1️⃣ Shkruan një pyetje në Google
2️⃣ Merr një listë me dhjetëra rezultate
3️⃣ Hyn në disa faqe derisa gjen atë që kërkon

📌 ChatGPT po ndryshon gjithçka.

Me inteligjencën artificiale gjenerative:

• Nuk merr më lista linkesh, por përgjigjen e saktë menjëherë
• Nuk humbet kohë duke klikuar pafund
• Ke një asistent personal që mund të të shkruajë email, dokumente, kod, analiza, dhe çdo gjë tjetër

Google ka qenë mbret i kërkimit.
ChatGPT po bëhet mbret i përgjigjeve.

Pse thuhet se ka një “luftë” të re?

Matt Diamante thekson se Google nuk është më i paprekshëm. Me integrimin e kërkimit të drejtpërdrejtë nga ChatGPT dhe Atlas Browser, përdoruesit mund të:

• Kërkojnë me ChatGPT direkt në çdo faqe interneti
• Marrin analiza të përmbajtjes pa e lexuar të gjithë artikullin
• Shmangin reklamat dhe rezultatet e sponzorizuara
• Përdorin AI për të naviguar internetin në mënyrë inteligjente

Google i fiton 92% të të ardhurave nga kërkimi dhe reklamat.
Nëse njerëzit kërkojnë më pak në Google → Google humb miliarda.

Dhe këtu fillon lufta.

Perspektiva nga një analist i teknologjisë

Matt Diamante është një krijues përmbajtjeje dhe analist teknologjie, i njohur për analizat e tij rreth inteligjencës artificiale, marketingut digjital dhe ndryshimeve të mëdha në industrinë e kërkimit.

🎥 Video nga Matt Diamante

Çfarë është Atlas Browser? Pse po përmendet kaq shumë?

Atlas Browser është ndërtuar mbi bazën e Chromium, platforma me burim të hapur e krijuar nga Google.

💡 Fun Fact
Chromium është infrastruktura që fuqizon edhe Google Chrome. Kjo do të thotë se Google, në një mënyrë indirekte, ka kontribuar në teknologjinë e shfletuesit që tani po e sfidon në fushën e kërkimit., platforma me burim të hapur që përdoret edhe nga Google Chrome. Pra, teknologjikisht, Google ka kontribuar indirekt në bërthamën e shfletuesit që tani po e sfidon.
Atlas Browser është një shfletues i ri që funksionon i integruar me ChatGPT. Ai premton një mënyrë krejt tjetër të përdorimit të internetit:

✔ Interpreton faqet e internetit për ty
✔ Përmbledh informacionin automatikisht
✔ Shkruan përgjigje dhe gjeneron analiza në kohë reale
✔ Eliminon reklamat që Google fiton para prej tyre

📌 Nëse ChatGPT është tru, Atlas është sytë dhe duart e tij në internet.

Ky kombinim po konsiderohet si kërkimi i gjeneratës tjetër.

Si po përgjigjet Google? A po humbet terren?

Google nuk rri duarkryq:

• Prezantoi Google Gemini (ish Bard) si AI konkurruese
• Integron përgjigje të AI direkt në rezultatet e kërkimit
• Po teston forma të reja monetizimi të bazuara te AI

Por Google ka disa dobësi:

• Ka shumë përgjegjësi për saktësinë e informacionit
• Çdo ndryshim i madh prek miliarda përdorues dhe miliona biznese
• Interesat e reklamave kufizojnë inovacionin radikal

Ndërkohë ChatGPT lëviz shpejt dhe nuk ka frikë të eksperimentojë.

Kush përfiton dhe kush humbet nga kjo luftë?

✅ Përfituesit

• Përdoruesit → marrin informacion më shpejt dhe pa reklama
• Profesionistët e teknologjisë → mjete AI më të avancuara
• Kompanitë që adoptojnë AI herët

❌ Humbësit

• Bizneset që varen vetëm nga Google Search
• Websitet me përmbajtje të dobët që ekzistojnë falë klikimeve rastësore
• Reklama të shtrenjta me ROI të ulët

SEO nuk po vdes.
Ai po evoluon.

A rrezikon të zhduket SEO?

Jo – por po transformohet.

SEO në epokën e AI nuk është më vetëm:

• fjalë kyçe
• backlinke
• struktura

Tani ka rëndësi edhe:
✅ Sa i besueshëm dhe i saktë është informacioni
✅ Sa i përdorshëm është nga AI dhe chatbotët
✅ Sa i orientuar është tek qëllimi i përdoruesit

Nëse ChatGPT jep informacione nga burimet më të mira…
Ti duhet të jesh një nga ato burime.

Ndaj bizneset duhet të fokusohen te:

• përmbajtja e verifikuar
• ekspertiza njerëzore
• marka dhe autoriteti online
• optimizimi për AI dhe për “answer engines”

📌 Kush adaptohet – do fitojë.
📌 Kush vonon – do humbë trafik.

A do e mposhtë ChatGPT Google-n?

Shumë herët për ta thënë.

Por faktet janë këto:

• Përdorimi i kërkimit tradicional po bie ngadalë
• Përdorimi i chatbotëve dhe AI po rritet me shpejtësi
• Gjenerata e re kërkon përgjigje, jo linke

Google ende ka fuqinë:

• Indeksim më të madh informacioni në botë
• Teknologji AI gjigante (Gemini)
• Infrastrukturë miliarda dollarëshe

Por…
OpenAI dhe ChatGPT po e shtyjnë industrinë në një drejtim ku Google nuk është më sundues absolut.

Çfarë duhet të bëjnë bizneset shqiptare? (Rekomandime praktike)

✅ Investoni në përmbajtje me vlerë, jo vetëm për Google por edhe për AI
✅ Shkruani artikuj që japin përgjigje të qarta dhe të sakta
✅ Ndërtoni autoritet: ekspertë, brand, citime
✅ Monitoroni trafikun nga AI dhe ndryshimet e kërkimit
✅ Mos u mbështetni te një kanal i vetëm (SEO + social + AI integrime)

Shembuj konkretë për Shqipërinë:

• Klinikat mjekësore → përmbajtje të verifikuar nga mjekë
• Agjencitë e marketingut → ekspertizë me raste studimore
• Portale lajmesh → burime të besueshme, jo clickbait

BOS.al do të vazhdojë të sjellë analiza dhe strategji për këtë tranzicion.

Përfundim: Lufta sapo ka filluar

Ky është një moment historik.

Ashtu si smartphone-ët zëvendësuan kompjuterët…
Ashtu si Netflix zëvendësoi televizionin…

💡 ChatGPT mund të ndryshojë përgjithmonë mënyrën se si kërkojmë informacion.

Google nuk është i mbaruar.
Por për herë të parë në histori…
ka një rival real.

Kush fiton?
Kjo do të varet nga ne – përdoruesit.

🔔 Qëndroni me BOS.al për analizat më të fundit të teknologjisë, AI dhe marketingut digjital.

📌 Pyetje për ju:
A do e përdorni më shumë ChatGPT se Google në 2025?

Na shkruani mendimin tuaj në komente!